COMUNICADO PERANTE A LIBERAÇOM DE SANTIAGO VIGO E JOSÉ MANUEL SANCHES
A Plataforma Cidadá ‘Que voltem a casa!’, diante dos gratos acontecimentos ocorridos nas últimas semanas, produzidos pola posta em liberdade dos cidadáns galegos Santiago Vigo Domingues e José Manuel Sanches Gorgas, quer manifestar o que segue:
-A ledícia por este feito, que pom fim à permanência ilegal destas duas pessoas nas cadeias do Estado e que durava quase dous anos, obrigando ao seu contorno familiar e social a viajar centos de quilómetros cada semana para os poder visitar.
-A preocupaçom pola vulneraçom de direitos que se produz na actualidade, refrendada pola Audiência Nacional, que deixa agora em liberdade a estos dous cidadás galegos que nem tinham que ter ingressado em prisiom dada a extensiom da sua pena.
Neste momento o objecto da Plataforma Cidadá ‘Que voltem a casa!’ desaparece, à espera da prevista entrada na cadeia para rematar de cumprir a pena imposta a Ugio Caamanho Santiso. Este feito obriga à nom disoluçom da entidade, senom à paralisaçom da sua actividade até se produzir o mentado ingresso.
Sem mais, a plataforma agradece o apoio e as mostras de solidariedade recebidas polos centos de pessoas que levam apoiado e se levam mobilizado na defesa dos direitos das pessoas presas e parabeniza às famílias, amizades e, em especial, aos presos e presas, pola sua saída à rua.
