Apresenta-se em rolda de imprensa a celebrar esta Quinta-Feira, 22 de Junho, a partir das 12.30 horas, na compostelá Galería Sargadelos. Na tarde celebrará-se um acto festivo e público no Local Social O Pichel

Intervirám representantes de diferentes sectores da sociedade galega e apoiantes das reivindicaçons do colectivo, como Teresa Moure, Bráulio Amaro, Xan Carlos Ánsia ou Pedro Alonso, e lerá-se umha nota de apoio de Carlos Taibo 

Esta Quinta-Feira 22 de Junho às 12.30 horas apresenta-se publicamente na Galeria Sargadelos de Compostela a ‘Plataforma Cidadá Que Voltem a Casa!’. Esta iniciativa nasce da preocupaçom de diversos sectores sociais pola irregular situaçom jurídica e penitenciária na que se atopam o cidadám e a cidadá galegos Ugio Camanho Sam-Tisso e Giana Rodrigues Gomes, recluídos em prissom preventiva e à espera de juízo desde há case um ano em cadeias a nom menos de 600 quilómetros das suas moradas, numha situaçom que imcumpre a legalidade vigente.

A ‘Plataforma Cidadá Que Voltem a Casa!’ apressenta-se por médio de um manifesto [consúlta-o em normativa AGAL ou ILG] que serve de exposiçom de motivos e de declaraçom de intençons das integrantes do colectivo. Acompanha ao texto umha primeira compilaçom de apoios de pessoas representativas de diversos sectores que amosam a sua inquedança perante a situaçom do preso e da presa. Persoeiros do mundo do sindicalismo, do empresariado, da intelectualidade…, como som Antolín Alcántara, Carlos Taibo, Margarita Ledo, Séchu Sende, Xerardo Abraldes, Antón Lopo, Luz Fandiño, Séchu Sende, Ramón Muntxaraz, Xosé Emilio Vicente, Amanda Álvarez, Begonha Camanho, Daniel Salgado, Paco Quintas, Gustavo Luca de Tena, Paulo Tobio, Xan Carlos Ánsia, Vítor Belho, e umha longa listagem de assinaturas [consulta a listagem completa], constituem um primeiro núcleo de apoios que se irá ampliando a medida que a Plataforma adquira dimensom pública.

Com o fim de difundir os pontos básicos a reivindicar pola ‘Plataforma Cidadá Que Voltem a Casa!’, esta tem previsto acrescentar o trabalho de recolhida de assinaturas, e outro tipo de actividades, como o acto festivo de apresentaçom que se celebrará na tarde da Quinta-Feira no Local Social O Pichel, a partir das 20.30 horas, no que se dará a conhecer a um público mais amplo o nascimento desta iniciativa. Aliás, a Plataforma apressenta a sua página web (www.quevoltemacasa.info) na que se pode acceder a toda a informaçom sobre a mesma.

Este colectivo, artelhado como plataforma pública e aberta, tem como objectivos básicos o desenvolvimento das medidas informativas, sociais, institucionais e jurídicas necessárias para rematar com a ilegal situaçom na que se atopam as pessoas antes nomeadas. Os pontos centrais de reivindicaçom da Plataforma passam pola exigência do respeito dos direitos democráticos e constitucionais como a presunçom de inocência, a reclamaçom da transferência dos presos Ugio Camanho e Giana Rodrigues a centros penitenciários situados na Galiza, a sua liberdade provisória à espera da data do julgamento, e a promoçom das medidas informativas necessárias para a sensibilizaçom social a respeito desta problemática, já que no caso destes dous presos independentistas se incumprem reiteradamente os princípios mais básicos do estado de direito e do regime democrático.